Nicolas ELLAIN (?-1621)
Vouloir être ravi…
Le Préambule des
innom­brables
Les Sonnets,
Paris, Vincent Sertenas, 1561.
ouvrir sur Gallica : Le second Livre des Sonnets, f° 20r°.

Vouloir estre rauy de l’amour de Pandore
Ne le vouloir point estre, & puis soubdainement
Changer d’opinion, en l’amoureux tourment
Vn iour viure & mourir cent, & cent fois encore,

Maintenant esperer, maintenant craindre, & ore
Recepuoir desplaisir, ore contentement,
Estre triste, & ioyeux en vn mesme moment,
Me plaindre, & me louer de celle que i’adore,

Me plaire, & m’ennuyer de sa grande beauté,
Me plaindre, & contenter de sa seuerité,
Priser, & mespriser sa chasteté trop graue,

Voyla ce que l’Amour me cause auec ses traictz,
Mon Le Feure, voila les contraires effectz,
Que Cupidon souuent produict en son esclaue.

On peut cliquer sur certains mots pour voir les épithètes de Maurice de La Porte
 
 

Vouloir estre rauy de l’amour de Pandore
Ne le vouloir point estre, & puis soubdainement
Changer d’opinion, en l’amoureux tourment
Vn iour viure & mourir cent, & cent fois encore,

Maintenant esperer, maintenant craindre, & ore
Recepuoir desplaisir, ore contentement,
Estre triste, & ioyeux en vn mesme moment,
Me plaindre, & me louer de celle que i’adore,

Me plaire, & m’ennuyer de sa grande beauté,
Me plaindre, & contenter de sa seuerité,
Priser, & mespriser sa chasteté trop graue,

Voyla ce que l’Amour me cause auec ses traictz,
Mon Le Feure, voila les contraires effectz,
Que Cupidon souuent produict en son esclaue.

 

En ligne le 14/06/11.
Dernière révision le 19/06/11.