«««

textes de
Jodelle

»»»

«««

vers
rap­por­tés
(14 / 14)

»»»

Qu’Hymen, Amour, le ciel, de foy, d’ardeur & d’heur,
Leur ioigne, enflamme, illustre, & corps, & cœur, & vie,
Tant qu’à nul change, ou haine, ou desastre asseruie
Soit oncq leur alliance, & chaleur, & splendeur:

L’accord qui vient des dieux, la flame, ou la grandeur,
Ne craint discord, froideur, ny du bas sort l’enuie,
Dont souuent est rompue, esteinte ou tost rauie,
D’Hymen, d’amour, du ciel, l’influence ou l’ardeur.

Si aux grands le haut sang lie, allume, & bien-heure
Tel laqs, telle ferueur, telle faueur, pour l’heure
Vertu l’étreint, l’embrase, & prospere encor mieux:

Ce lien royal donc, cet amour & hautesse,
Ferme, extreme, & supreme, en tout vainque sans cesse
Tout nœu, tout feu, tout don, d’Hymen, d’amour, des cieux.

Son­net

→ texte
moder­nisé

pleine page

œuvres de
Jodelle
dispo­nibles sur Gallica

télé­charger au format rtf

En ligne le 04/10/05.
Dernière révision le 15/09/10.