«««

textes de
La Jessée

»»»

«««

anti­thèses
accu­mulées
(vers 1-13)

»»»

I’ayme le dous repos, & suis tousiours en peine,
Ie cherche allegement, & trouue la doleur,
I’euite vn soing ouuert, & sens vn soing voleur,
Ie dechasse la crainte, & mon ame en est pleine.

I’erre sans deplaçer où le Sort me pourmeine,
Ie tache à m’esiouyr, & triste est ma paleur,
I’espie le bonheur, & ne voy que malheur,
Ie veus suiure la paix, & la guerre m’emmeine.

I’aspire à la franchise, & captif on me tient,
I’abhorre mon hayneus, & ma grace il obtient,
Ie suis trop clair-oyant, & r’entre en ma sourdesse.

Plus i’esuente mon mal, plus grand deuient l’esmoy,
Plus ie flate l’orgueil, plus acroist la rudesse :
Est-il homme en ce monde aussi chetif que moy ?

Son­net

→ texte
moder­nisé

pleine page

œuvres de
La Jessée
dispo­nibles sur Gallica

télé­charger au format rtf

En ligne le 16/07/06.
Dernière révision le 15/05/10.