textes de
Le Poulchre

»»»

«««

»»»

Ah de qui miserable auray-ie plus fiance,
Et puis que celle là qui viuoit toute en moy,
De laquelle i’estois la pensee, & l’esmoy,
L’idole, le seul bien, & l’entiere creance,

A mis ailleurs son cœur (ô Dieux quelle asseurance)
Ailleurs a d’elle mesme obligee sa foy,
Et volontairement serue d’vn nouueau Roy
Consacré tous ses vœux en son obeyssance.

Que i’eusse plustost creu veoir & la cire & l’eau
S’incorporer ensemble en vn mesme tourteau,
Qu’elle fust tellement deuenue muable.

O destin trop cruel, puis que tel est mon sort,
Ah Parque auance moy ah de grace la mort
Plustost que d’esprouuer essay tant veritable.

Son­net

→ texte
moder­nisé

pleine page

œuvres de
Le Poulchre
dispo­nibles sur Gallica

télé­charger au format rtf

En ligne le 13/12/09.
Dernière révision le 15/09/10.