«««

textes de
Turrin

»»»

«««

vers
rap­por­tés
(11 / 14)

»»»

CEst œil, cest or, ceste face lasciue,

Fut l’espion le piege, & le chasseur,

Qui vint trahir, chasser, prendre mon cueur,
Mon cueur mes yeus, & mon ame chetiue,

Le cueur trompé, l’œil pris, l’ame captiue
D’vn feu, d’vn ris, d’vn visage menteur,
Pour me guider il faut que le moqueur,
Que les fillets, que la chasse ie suiue.

Mais quand lespoir, la feinte, & le debuoir,
D’vn bien, d’vn ris, & d’vn simple vouloir,
M’entretient trop, m’affolle & ne m’auance,

Pour rachpeter les yeus, l’ame, le cueur,
Ie veus quitter auecque l’esperance,
Cest espion, ce piege, & ce chasseur.

Son­net

→ texte
moder­nisé

pleine page

œuvres
de Turrin
dispo­nibles sur Gallica

télé­charger au format rtf

En ligne le 13/09/08.
Dernière révision le 30/11/11.