Joachim DU BELLAY (1522-1560)
Un Berger, un Chevrier…
Paris, Federic Morel, 1569.

Vn Berger, vn Cheurier, & vn Bouuier, venuz
De Sicile, de Thebe, & de Smyrne : congneuz
Des prez, & des costaux, & des loges champestres
Des brebis, des cheureaux, des bœufs: les meilleurs maistres
Du Flageol, du Rebec, & du Cornet retors,
Moutons, cheures, & bœufs gardoient dessus les bords
D’Arethuse, d’Ismene, & du Phrygien Xanthe.

L’vn le hurt, l’vn les ieux, le tiers les combats chante
Des beliers bien-cornus, des folastres cheureaux,
Des taureaux mugissans : l’honneur des Pastoureaux,
Des Cheuriers, des Bouuiers: aussi sur tous les prise
Pales, le Dieu cheurier, & le pasteur d’Amphrise,
D’vn chapelet de fleurs couronnant le premier,
D’vne branche de Pin le second, le dernier
D’vn tortis de laurier. Mais Perot l’outrepasse
Ce Bergier, ce Cheurier, & ce Bouuier surpasse
D’autant que les Moutons, les boucs, & les taureaux,
Les aigneaux, les cheureaux, & les ieunes bouueaux:
Ou que les bledz, les monts, & les maisons royales
Les herbes, les costaux, les cases pastorales:
Tant Perot fluste bien, fredonne & sonne icy
Du flageol, du rebec, & du cornet aussi,
Son Charlot, son Annot, son Henriot: les maistres
Des prez & des costaux, et des loges champestres.

On peut cliquer sur certains mots pour voir les épithètes de Maurice de La Porte
 
 

Vn Berger, vn Cheurier, & vn Bouuier, venuz
De Sicile, de Thebe, & de Smyrne : congneuz
Des prez, & des costaux, & des loges champestres
Des brebis, des cheureaux, des bœufs: les meilleurs maistres
Du Flageol, du Rebec, & du Cornet retors,
Moutons, cheures, & bœufs gardoient dessus les bords
DArethuse, d’Ismene, & du Phrygien Xanthe.

L’vn le hurt, l’vn les ieux, le tiers les combats chante
Des beliers bien-cornus, des folastres cheureaux,
Des taureaux mugissans : l’honneur des Pastoureaux,
Des Cheuriers, des Bouuiers: aussi sur tous les prise
Pales, le Dieu cheurier, & le pasteur d’Amphrise,
D’vn chapelet de fleurs couronnant le premier,
D’vne branche de Pin le second, le dernier
D’vn tortis de laurier. Mais Perot l’outrepasse
Ce Bergier, ce Cheurier, & ce Bouuier surpasse
D’autant que les Moutons, les boucs, & les taureaux,
Les aigneaux, les cheureaux, & les ieunes bouueaux:
Ou que les bledz, les monts, & les maisons royales
Les herbes, les costaux, les cases pastorales:
Tant Perot fluste bien, fredonne & sonne icy
Du flageol, du rebec, & du cornet aussi,
Son Charlot, son Annot, son Henriot: les maistres
Des prez & des costaux, et des loges champestres.

 

En ligne le 30/01/23.
Dernière révision le 30/01/23.