Étienne JODELLE (1532-1573)
Le dol longtemps couvé…
Le Préam­bule des
innom­brables
Les Œuvres et Mélanges poétiques,
Paris, N. Chesneau & M. Patisson, 1574.
ouvrir sur Gallica : Sonnets, «Des guerres de Henri II contre Charles Quint», f° 69v°.

Le dol long temps couué, la surprise, & l’audace,

Tombent en contreruse, en repousse, & rabais:
Quiconque hait les siens, leur repos, & leur pais,
L’estranger, le trauail, la guerre le terrasse,

Celuy n’est plus qu’vn songe, vn tronc, & vne glace,
Qui veilloit, florissoit, & bruloit en ses faits:
S’on veut vaincre, enrichir, reuiure par meffaits,
La dépouille, la perte, & la mort nous menasse.

Malheur quand l’áge vieil, le trouble, & la froideur
Rencontre vne ieunesse, vn accord, vne ardeur:
Par ces trois l’heur passé, l’effort, & l’esperance

Se tournent en malheur, foiblesse, & desespoir,
Or’ que l’Empereur, l’Aigle, & l’Espagne font voir
Que vaut nostre grand Roy, nostre Lys, nostre France.

On peut cliquer sur certains mots pour voir les épithètes de Maurice de La Porte
 
 

Le dol long temps couué, la ſurpriſe, & l’audace,

Tombent en contreruſe, en repouſſe, & rabais:
Quiconque hait les ſiens, leur repos, & leur pais,
L’eſtranger, le trauail, la guerre le terraſſe,

Celuy n’eſt plus qu’vn ſonge, vn tronc, & vne glace,
Qui veilloit, floriſſoit, & bruloit en ſes faits:
S’on veut vaincre, enrichir, reuiure par meffaits,
La dépouille, la perte, & la mort nous menaſſe.

Malheur quand l’áge vieil, le trouble, & la froideur
Rencontre vne ieuneſſe, vn accord, vne ardeur:
Par ces trois l’heur paßé, l’effort, & l’eſperance

Se tournent en malheur, foibleſſe, & deſeſpoir,
Or’ que l’Empereur, l’Aigle, & l’Eſpagne font voir
Que vaut noſtre grãd Roy, noſtre Lys, noſtre France.

 

En ligne le 07/01/09.
Dernière révision le 25/10/25.