«««

textes de
Le Poulchre

»»»

«««

»»»

S’ON veoyoit vostre Esté long comme vostre Automne,

Si à vostre primtemps ressembloit vostre Hyuer,
S’on pouuoit ceste fleur tousiours en vous trouuer,
Que le ciel liberal en vostre Apuril vous donne.

Si vous auiez tousiours pour compagne Dionne,
Qui tinst vostre Soleil ferme sans se coucher,
Et que sans flestrir l’on ne veist s’assecher
Et la roze, & le lis, dont il vous enuironne.

Vous auriez bien raison d’espargner chichement
Ce qu’en vostre iardin seruiroit d’ornement:
Mais puis que tout y est de si peu de duree,

Que la premiere nuict, par son obscurité,
Gaste le plus luisant, de sa grande beauté,
Cueillez dés le matin ce que pert la seree.

Son­net

→ texte
moder­nisé

pleine page

œuvres de
Le Poulchre
dispo­nibles
sur Gallica

télé­charger
le texte

En ligne le 15/09/10.
Dernière révision le 29/06/21.