[…] 

Durant ces mots la Belle en terre auoit la veüe;
On eust bien veu pourtant la douleur impreueüe
Qui luy troubloit le cœur, venant à ietter l’œil
Sur son front obscurci d’vn nuage de dueil.

Tant de gresle en Esté ne tombe sur la terre,
Lors que le Ciel colere aux moissons fait la guerre;
Et quand en gros torrens il enfle les ruisseaux,
Il ne dégorge pas tant de rauages d’eaux
Dessus le dos poudreux des terres creuassées,
Qu’elle agite à part soi de diuerses pensées.
[…] 
 
 

[…] 

La Belle oyant ces mots tient en terre la veuë;
On eust bien tost iugé que son ame est esmeuë
De troublemens diuers, venant à ietter l’œil
Sur son front obscurci de tristesse & de dueil.

Tant de gresle en l’Esté ne tombe sus la terre,
Lors que le Ciel colere aux moissons fait la guerre.
Quand de larges torrens il enfle les ruisseaux,
Il ne desgorge point tant de rauages d’eaux
Sur le dos empoudré des plaines creuassées,
Qu’elle agite à part soy de diuerses pensées.
[…]