«««

textes de
Salel

»»»

»»»

POur recreer l’esprit desconforté
Du grand trauail & malheur supporté,
Et pour chasser la tristesse ennuyeuse,
En regardant quelque chose ioyeuse

Ayant dormy vng soir profondement,
Nouueau penser vint mon entendement
Solliciter, affin de me conduire
Sur le matin aux champs pour me deduyre,

L’esprit qui lors n’auoit autre desir
Que de bannyr loing de soy desplaisir
En fut content, dont tost apres m’en voys,
Tout le beau pas dedans vng petit boys
Plaisant à l’oeil tant pour le verd fueillage
Qui le couuroit, que pour le fraiz vmbraige.

En ce beau lieu la chaleur transpercante
Du cler Phebus, ne feit oncques descente,
Car l’espesseur des grands arbres sans nombre
Gardoit le lieu, qu’on ny auoit qu’une vmbre,
Vmbre plaisante, & matin, & serée,
Ou l’on sentoit froidure moderée.

Droict au meillieu sortoit vne fontaine
D’ung vif rocher, gectant eau clere & saine,
Dou procedoit vng cristalin ruisseau,
Autour duquel, maint petit arbrisseau
Estoit posé, tant plaisant que merueille.

Encores myeulx pour contenter l’aureille,
Y eust d’oyseaulx à grandes assemblées,
Qui par leurs voix & chancons redoublées
Rendoient vng son si plaisant à l’ouyr,
Qu’ung triste cueur s’en deuoit resiouyr.

[…] 

→ texte
moder­nisé

pleine page

œuvres de
Salel
dispo­nibles
sur Gallica

télé­charger
le texte

En ligne le 14/01/24.
Dernière révision le 24/02/24.