«««

textes de
Tahu­reau

«««

»»»

Quand i’apperçoy quelque traict approchant
De tes beautez, dans vne belle dame,
Soit de l’esclair de ta iumelle flame,
Ou de ton ris les plus fiers alleschant,

Soit de ce sein deux beaux thresors cachant,
Dont le toucher le feu mesmes enflame,
Ou soit du poil, blond tyran de mon ame,
Soit du parler, ou bien soit de ton chant,

Soit d’vn beau port, d’vn maniment folastre,
D’vn petit pied glissant que i’idolastre,
Ou soit du moins de tes perfections :

Ie suis contraint, charmé de douce rage,
En ton honneur luy rendre quelque hommage,
Sans toutesfois changer mes passions.

Son­net

→ texte
moder­nisé

pleine page

œuvres de
Tahu­reau
dispo­nibles
sur Gallica

télé­charger
le texte

Version de 1870 en ligne le 07/09/21,
remplacée par celle de 1574 le 12/06/25.
Dernière révision le 12/06/25.