Pierre de RONSARD (1524-1585)
J’espère et crains… (1552)
Paris, veuve Maurice de La Porte, 1552, p. 11 [←Gallica].

I’espere & crains, ie me tais & supplie,
Or ie suis glace, & ores vn feu chault,
I’admire tout, & de rien ne me chault,
Ie me delace, & puis ie me relie.

Rien ne me plaist si non ce qui m’ennuye,
Ie suis vaillant, & le cuœur me default,
I’ay l’espoir bas, i’ay le courage hault,
Ie doubte Amour, & si ie le deffie.

Plus ie me picque, & plus ie suis restif,
I’ayme estre libre, & veulx estre captif,
Cent foys ie meur, cent foys ie prens naissance.

Vn Promethée en passions ie suis,
Et pour aymer perdant toute puissance,
Ne pouuant rien ie fay ce que ie puis.

J’espère et crains… (1553)
Paris, veuve Maurice de La Porte, 1553, p. 12 [←Gallica].

I’Espere & crain, ie me tais & suplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & puis ie me relie.

Rien ne me plaist sinon ce qui m’ennuie:
Ie suis vaillant, & le cœur me defaut,
I’ai l’espoir bas, i’ai le courage haut,
Ie doute Amour, & si ie le deffie.

Plus ie me pique, & plus ie suis retif,
I’aime estre libre, & veus estre captif,
Cent fois ie meur, cent fois ie pren naissance.

Vn Promethée en passions ie suis,
Et pour aimer perdant toute puissance,
Ne pouuant rien ie fai ce que ie puis.

J’espère et crains… (1567)
Paris, Gabriel Buon, 1567, f° 13v° [←Gallica].

I’Espere & crain, ie me tais & supplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & soudain me relie.

Rien ne me plaist sinon ce qui m’ennuie:
Ie suis vaillant, & le cœur me defaut,
I’ay l’espoir bas, i’ay le courage haut,
Ie doute Amour, & si ie le deffie.

Plus ie me pique, & plus ie suis retif,
I’aime estre libre, & veux estre captif,
Cent fois ie meur, cent fois ie pren naissance,

Vn Promethée en passions ie suis:
Et pour aimer perdant toute puissance,
Crier mercy seulement ie ne puis.

J’espère et crains… (1578)
Paris, Gabriel Buon, 1578, p. 30 [←Gallica].

I’Espere & crain, ie me tais & supplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & puis ie me relie,

Rien ne me plaist sinon ce qui m’ennuye:
Ie suis vaillant, & le cœur me defaut,
I’ay l’espoir bas, i’ay le courage haut,
Ie doute Amour, & si ie le desfie.

Plus ie me pique, & plus ie suis retif,
I’aime estre libre, & veux estre captif,
Mon mal prend fin, & soudain recommence.

Vn Promethée en passions ie suis:
I’ose, ie veux, ie souhaite, & ne puis.
Ainsi la Parque a filé ma naissance
.

























J’espère et crains… (1553)
Paris, veuve Maurice de La Porte, 1553, p. 12 [←Gallica].

I’Espere & crain, ie me tais & suplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & puis ie me relie.

Rien ne me plaist sinon ce qui m’ennuie:
Ie suis vaillant, & le cœur me defaut,
I’ai l’espoir bas, i’ai le courage haut,
Ie doute Amour, & si ie le deffie.

Plus ie me pique, & plus ie suis retif,
I’aime estre libre, & veus estre captif,
Cent fois ie meur, cent fois ie pren naissance.

Vn Promethée en passions ie suis,
Et pour aimer perdant toute puissance,
Ne pouuant rien ie fai ce que ie puis.

J’espère et crains… (1567)
Paris, Gabriel Buon, 1567, f° 13v° [←Gallica].

I’Espere & crain, ie me tais & supplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & soudain me relie.

Rien ne me plaist sinon ce qui m’ennuie:
Ie suis vaillant, & le cœur me defaut,
I’ay l’espoir bas, i’ay le courage haut,
Ie doute Amour, & si ie le deffie.

Plus ie me pique, & plus ie suis retif,
I’aime estre libre, & veux estre captif,
Cent fois ie meur, cent fois ie pren naissance,

Vn Promethée en passions ie suis:
Et pour aimer perdant toute puissance,
Crier mercy seulement ie ne puis.

J’espère et crains… (1578)
Paris, Gabriel Buon, 1578, p. 30 [←Gallica].

I’Espere & crain, ie me tais & supplie,
Or’ ie suis glace, & ores vn feu chaut,
I’admire tout, & de rien ne me chaut,
Ie me delace, & puis ie me relie.

Rien ne me plaist sinon ce qui m’ennuye:
Ie suis vaillant, & le cœur me defaut,
I’ay l’espoir bas, i’ay le courage haut,
Ie doute Amour, & si ie le desfie.

Plus ie me pique, & plus ie suis retif,
I’aime estre libre, & veux estre captif,
Mon mal prend fin, & soudain recommence.

Vn Promethée en passions ie suis:
I’ose, ie veux, ie souhaite, & ne puis.
Ainsi la Parque a filé ma naissance
.

J’espère et crains… (1584)
Paris, Gabriel Buon, 1584, p. 6 [←Gallica].

I’Espere & crain, ie me tais & supplie,
Or’ ie suis glace & ores vn feu chaud,
I’admire tout & de rien ne me chaut,
Ie me delace & mon col ie relie.

Rien ne me plaist sinon ce qui m’ennuie:
Ie suis vaillant & le cœur me defaut,
I’ay l’espoir bas i’ay le courage haut,
Ie doute Amour & si ie le desfie.

Plus ie me pique, & plus ie suis retif,
I’aime estre libre, & veux estre captif,
Tout ie desire, & si n’ay qu’vne enuie.

Vn Promethée en passions ie suis:
I’ose, ie veux, ie m’efforce, & ne puis,
Tant d’vn fil noir la Parque ourdit ma vie.

























textes originaux
[R]

 

En ligne le 20/02/13.
Dernière révision le 08/02/20.