«««

textes de
Magny

»»»

«««

»»»

Elle est à vous la cheueleure blonde
Qui rend obscur le plus riche metal,
Ce front aussi de pourpre & de cristal,
Et ceste face à nulle autre seconde,

Vostre est encor ceste bouche feconde,
Et ce regard mon conducteur fatal,
Vostre ce ris l’enchanteur principal
De mes espritz & volonté profonde.

A vous aussi sont ces blandissans yeux
Qui ont rauy du Soleil enuieux
Leurs raiz luysans, angelique lumiere.

Mile vertus, mile tresors versez
Du ciel icy sont à vous dispersez,
Seule est à moy, ma peine coustumiere.

Son­net

→ texte
moder­nisé

pleine page

œuvres de
Magny
dispo­nibles
sur Gallica

télé­charger
le texte

Texte de l’édition de 1878 en ligne le 13/12/15,
remplacé par celui de 1553 le 06/10/18.
Dernière révision le 31/08/23.