MONTS qui hurtez le ciel de vos testes cornues,
Torrents precipitez, & toi Lac spacieux
Qui comme vne grand’ mer ou se perdent nos yeux
Emplis ce grand bassin de tes ondes chenuës.

Et vous sapins branchez aussi hauts que les nues,
Valons tortus-bossus, & vous sauuages lieux,
Domiciles des loups, & des ours furieux,
Dont Nature aux humains a clos les auenues:

Ie ne m’estonne point de voir en ce païs
Tant d’obiets merueilleux que iamais ie ne vis,
Mais mon esprit s’arreste à vn plus grand miracle.

Comment Dieu reprouuant tant d’illustres citez
A choisi iustement ces deserts escartez
Pour y verser sa Manne, & seoir son Tabernacle.

Monts qui hurtez le ciel de vos testes cornues,
Torrents precipitez, & toy lac spatieux,
Qui comme vne grand mer où se perdent nos yeux
Emplis ce grand bassin de tes ondes chenues.

Et vous sapins branchez aussi hauts que les nües,
Valons tortus-bossus, & vous sauuages lieux,
Domiciles des loups & des ours furieux,
Dont nature aux humains a clos les auenues:

Ie ne m’estonne point de voir en ce pais
Tant d’obiects merueilleux que iamais ie ne vis,
Mais mon esprit s’arreste à vn plus grand miracle:

Comment Dieu reprouuant tant d’illustres citez
N’a desdaigné choisir ces deserts escartez,
Pour y pleuuoir sa manne, & seoir son tabernacle.