NOn tesin po uaro adice & tebro

eufrate tigre nilo hemo indo & gange
tana histro alpheo garona el mar che frange
rodano hybero ren sena albia era hebro
non hedra abete pin faggio o genebro
porial foco allentar chel cor tristo ange
quantun bel rio chadognor meco piange
chon larbuscel chen rime orno & celebro

Q uesto un soccorso trouo tra gliassalti
damore oue conuien charmato uiua
lauita che trapassa asi gran salti
cosi crescal bel lauro infresca riua
et chil pianto pensier leggiadri et alti
nella dolce ombra al son delacque scriua

Ne Pau, Tesin, ne Timbre, Arnus, le Nil, Garone,
Tigris, Sone, Inde, Hermus, Varus, Ganges, Rin, Seine,
Tane, Alphée, Danube, Hibere, Euphrates, Meine,
Albe, Adige, Heber, Loire, & Durence, & le Rosne,

Ne celle Mer qu’il romp, n’auroient uertu si bonne,
Qu’ha ce gentil ruisseau contre mon feu & peine.
Ne Liarre, ou Hestre, ou Chesne, ou Geneure n’enmeine
A mon cueur tel plaisir, que cest arbre me donne,

Et ce petit ruisseau aux amoureux assaultz
Dont conuient qu’une uie estant armé ie uiue,
Qui par ardent desir trepasse maintz grans sautz.

Croisse donc ce Laurier en ceste fresche riue
Tant que qui l’ha planté dessoubz son ombre escriue
Vn iour au bruit de l’eau ses amoureux trauaux.

Tousiours, tousiours, helas! i’ay dedans la memoire
La blanche main, le poil & l’œil plein de rigueur,
Qui me serrant, liant & me brulant le cueur,
La mortelle poison d’Amour me firent boire.

Le Pau, le Rhin, la Seine, & la Sone, & le Loire,
Ne pourroient pas, ô Dieux, esteindre la chaleur,
Que cest astre iumeau destin de mon malheur,
A epris dans mon cœur pour sa plus grande gloire.

O beauté de qui l’œil, le poil, la belle main
Ont brulé, lassé, pris mon cœur dedans mon sain:
Vous estes celle-là qui seule peut esteindre,

Desnouer, & ouurir le feu, le reth, la serre
Qui me brulant, noudant, & serrant vne guerre,
Font à mon pauure cœur dangereuse & à craindre.

Ni mes humides pleurs, le Gange, ni le Róne,
Ni l’Istre, ni le Pau, ni le Tibre profond,
Ni Tamise, Eridan, ni l’Hibre à demi rond,
Ni le Tage, le Nil, ni le Rhin, ni Garone,
Ni l’Albe, ni Strymon, ni Tane, ni la Sóne,
Ni Meandre, & Ladon, ni l’Inde vagabond,
Ni Alphé’, ni Tésin, ni l’Eufrate fecond,
Ni la Seine, le Loir, ni bref le fleuue d’Orne:

Ni de tout l’Ocean tous les fleuues retors,
Pour ma flame amortir ne sont pas assez fors,
Tant ápre est le brandon qui me met en furie.

Si qu’en ce grand brasier ie ne puis esperer
Que l’ardeur qu’il me faut iour & nuit endurer
Puisse oncques prendre fin, qu’en finissant ma vie.

Ne Pau, Tesin, ne Timbre, Arnus, le Nil, Garone,
Tigris, Sone, Inde, Hermus, Varus, Ganges, Rin, Seine,
Tane, Alphée, Danube, Hibere, Euphrates, Meine,
Albe, Adige, Heber, Loire, & Durence, & le Rosne,

Ne celle Mer qu’il romp, n’auroient uertu si bonne,
Qu’ha ce gentil ruisseau contre mon feu & peine.
Ne Liarre, ou Hestre, ou Chesne, ou Geneure n’enmeine
A mon cueur tel plaisir, que cest arbre me donne,

Et ce petit ruisseau aux amoureux assaultz
Dont conuient qu’une uie estant armé ie uiue,
Qui par ardent desir trepasse maintz grans sautz.

Croisse donc ce Laurier en ceste fresche riue
Tant que qui l’ha planté dessoubz son ombre escriue
Vn iour au bruit de l’eau ses amoureux trauaux.

Tousiours, tousiours, helas! i’ay dedans la memoire
La blanche main, le poil & l’œil plein de rigueur,
Qui me serrant, liant & me brulant le cueur,
La mortelle poison d’Amour me firent boire.

Le Pau, le Rhin, la Seine, & la Sone, & le Loire,
Ne pourroient pas, ô Dieux, esteindre la chaleur,
Que cest astre iumeau destin de mon malheur,
A epris dans mon cœur pour sa plus grande gloire.

O beauté de qui l’œil, le poil, la belle main
Ont brulé, lassé, pris mon cœur dedans mon sain:
Vous estes celle-là qui seule peut esteindre,

Desnouer, & ouurir le feu, le reth, la serre
Qui me brulant, noudant, & serrant vne guerre,
Font à mon pauure cœur dangereuse & à craindre.

Ni mes humides pleurs, le Gange, ni le Róne,
Ni l’Istre, ni le Pau, ni le Tibre profond,
Ni Tamise, Eridan, ni l’Hibre à demi rond,
Ni le Tage, le Nil, ni le Rhin, ni Garone,
Ni l’Albe, ni Strymon, ni Tane, ni la Sóne,
Ni Meandre, & Ladon, ni l’Inde vagabond,
Ni Alphé’, ni Tésin, ni l’Eufrate fecond,
Ni la Seine, le Loir, ni bref le fleuue d’Orne:

Ni de tout l’Ocean tous les fleuues retors,
Pour ma flame amortir ne sont pas assez fors,
Tant ápre est le brandon qui me met en furie.

Si qu’en ce grand brasier ie ne puis esperer
Que l’ardeur qu’il me faut iour & nuit endurer
Puisse oncques prendre fin, qu’en finissant ma vie.