Clovis HESTEAU (?-?)
Avoir d’un bref repos…
Paris, Abel L’Angelier, 1578.

Auoir d’vn bref repos vne eternelle peine,
D’vn peu de seureté vne mer de soupçon,
D’vn debat asseuré feinte dilection,
L’ame vuide de foy & d’impieté pleine.

Sous vn ris blandissant masquer l’ardante haine,
Couuer sous la douceur vne presomption,
Deguiser son tourment par vne fiction,
Et sous vn faux obiect vne douleur certaine.

Au feu d’vn desespoir ralumer son desir,
Voir en la fraude close vn ouuert desplaisir,
Rire vne heure le iour pleurer toute vne annee.

Et d’vn antiqu’penser faire vn conte nouueau:
C’est pour vous mon Soleil, ce que la destinee
Engraue nuict & jour dans mon triste cerueau.

On peut cliquer sur certains mots pour voir les épithètes de Maurice de La Porte
 
 

Auoir d’vn bref repos vne eternelle peine,
D’vn peu de seureté vne mer de soupçon,
D’vn debat asseuré feinte dilection,
L’ame vuide de foy & d’impieté pleine.

Sous vn ris blandissant masquer l’ardante haine,
Couuer sous la douceur vne presomption,
Deguiser son tourment par vne fiction,
Et sous vn faux obiect vne douleur certaine.

Au feu d’vn desespoir ralumer son desir,
Voir en la fraude close vn ouuert desplaisir,
Rire vne heure le iour pleurer toute vne annee.

Et d’vn antiqu’penser faire vn conte nouueau:
C’est pour vous mon Soleil, ce que la destinee
Engraue nuict & jour dans mon triste cerueau.

 

En ligne le 21/05/08.
Dernière révision le 05/12/20.