Anne de MARQUETS (1533-1588)
Si on prise beaucoup…
Paris, Claude Morel, 1605.
ouvrir sur Gallica : sonnet CCCCXXIII, p. 312.

Si on prise beaucoup le champ, l’arbre, la vigne,
Qui produict bon froment, bon fruit, & bon raisin,
Dont se fait vn beau pain, vn doux mets, vn bon vin,
Qui nourrit, qui repaist, qui la soif desracine :

Combien doit-on louer la Vierge saincte & digne,
Qui heureuse a produict Christ le Roy souuerain,
Qui est le pur froment, le fruict entier & sain,
Et le raisin qui rend vne liqueur diuine?

De ce froment est faict le beau pain de l’autel,
Qui conforte & nourrit, qui rend l’homme immortel :
Le doux mets de ce fruict repaist l’ame de grace :

Et de ce beau raisin le vin delicieux
Esteint en nous la soif des desirs vicieux,
Et donne vn aise au cœur qui tous plaisirs surpasse.

On peut cliquer sur certains mots pour voir les épithètes de Maurice de La Porte
 
 

Si on priſe beaucoup le champ, l’arbre, la vigne,
Qui produict bon froment, bon fruit, & bon raiſin,
Dont ſe fait vn beau pain, vn doux mets, vn bon vin,
Qui nourrit, qui repaiſt, qui la ſoif deſracine :

Combien doit-on louer la Vierge ſaincte & digne,
Qui heureuſe a produict Chriſt le Roy ſouuerain,
Qui eſt le pur froment, le fruict entier & ſain,
Et le raiſin qui rend vne liqueur diuine?

De ce froment eſt faict le beau pain de l’autel,
Qui conforte & nourrit, qui rend l’homme immortel :
Le doux mets de ce fruict repaiſt l’ame de grace :

Et de ce beau raiſin le vin delicieux
Eſteint en nous la ſoif des deſirs vicieux,
Et donne vn aiſe au cœur qui tous plaiſirs ſurpaſſe.

 

En ligne le 18/06/09.
Dernière révision le 03/03/24.