Agrippa d’AUBIGNÉ (1552-1630)
Quand Jodelle arriva…
Le Préam­bule des
innom­brables
Vers funèbres sur la mort d’Étienne Jodelle,
Paris, Lucas Breyer, 1574.
ouvrir sur Gallica : Sonnet, f° A4v°.

QVand Iodelle arriua souflant encor sa peine,
Le front plein de sueur des restes de la mort,
Quand dis-ie il eut attaint Lacherontide bord
Attendant le bateau il reprint son haleine.
Il trouua Lacheron plus plaisant que la Seine,
L’enfer plus que Paris: aussi l’air de ce port
Quoy qu’il fust plus obscur ne luy puoit si fort
Que luy faisoit ça haut vne vie incertaine.

Le passager le prend au creux de son bateau
Et Iodelle estonné disoit en passant l’eau.

Pourroy-ie me noyer qu’encor vn coup ie meure
Pour proffiter autant à mon second trespas
Que i’ay fait au premier: mais il ne pouuoit pas
Augmenter son bon heur pour changer de demeure.

On peut cliquer sur certains mots pour voir les épithètes de Maurice de La Porte
 
 

QVand Iodelle arriua ſouflant encor ſa peine,
Le front plein de ſueur des reſtes de la mort,
Quand dis-ie il eut attaint Lacherontide bord
Attendant le bateau il reprint ſon haleine.
Il trouua Lacheron plus plaiſant que la Seine,
L’enfer plus que Paris: außi l’air de ce port
Quoy qu’il fuſt plus obſcur ne luy puoit ſi fort
Que luy faiſoit ça haut vne vie incertaine.

Le paſſager le prend au creux de ſon bateau
Et Iodelle eſtonné diſoit en paſſant l’eau.

Pourroy-ie me noyer qu’encor vn coup ie meure
Pour proffiter autant à mon ſecond treſpas
Que i’ay fait au premier: mais il ne pouuoit pas
Augmenter ſon bon heur pour changer de demeure.

«««  vers funèbres  »»»
«««  sur la mort de Jodelle  »»»
 

En ligne le 05/12/25.
Dernière révision le 05/12/25.