Jacques GRÉVIN (1538-1570)
Je suis ferme et dispos…
Le Préam­bule des
innom­brables
L’Olimpe, ensemble les autres Œuvres,
Paris, Robert Estienne, 1560.
ouvrir sur Gallica : L’Olimpe, p. 67.

Ie suis ferme & dispos, & ne me puis defendre,
Ie suis d’un grand courage, & le cueur me default,
I’ay les æsles aux flancs, & ne puis uoller hault,
I’ay uaincu l’ennemi, & à luy me fault rendre:

I’ay des moyens assez, & ne puis entreprendre,
Ie cognoy bien mon mal, & ne sçay qu’il me fault,
Rien ne m’est denié, & de tout i’ay default,
Ie n’ay besoing de rien, & tout il me fault uendre.

De rien ne m’ont serui ma defense & mon cueur,
Ny le uol dont ie suis de l’ennemi uainqueur,
Ny tous mes beaux moyens, & moins la cognoissance

Que i’ay eu de mon mal, ny tout le bon credit,
Ny l’usufruict du bien qui ne m’est interdict,
Puis qu’il fault que ie meure en si grande abondance.

On peut cliquer sur certains mots pour voir les épithètes de Maurice de La Porte
 
 

Ie ſuis ferme & diſpos, & ne me puis defendre,
Ie ſuis d’un grand courage, & le cueur me default,
I’ay les æſles aux flancs, & ne puis uoller hault,
I’ay uaincu l’ennemi, & à luy me fault rendre:

I’ay des moyens aſſez, & ne puis entreprendre,
Ie cognoy bien mon mal, & ne ſçay qu’il me fault,
Rien ne m’eſt denié, & de tout i’ay default,
Ie n’ay beſoing de rien, & tout il me fault uendre.

De rien ne m’ont ſerui ma defenſe & mon cueur,
Ny le uol dont ie ſuis de l’ennemi uainqueur,
Ny tous mes beaux moyens, & moins la cognoiſſance

Que i’ay eu de mon mal, ny tout le bon credit,
Ny l’uſufruict du bien qui ne m’eſt interdict,
Puis qu’il fault que ie meure en ſi grande abondance.

 

En ligne le 24/10/05.
Dernière révision le 24/10/24.