Abraham de VERMEIL (v. 1550-v. 1620)
Je chante et pleure…
Le Préam­bule des
innom­brables
Seconde partie des Muses françaises ralliées,
Paris, Matthieu Guillemot, 1600.
ouvrir sur Gallica : Sonnets, p. 241.

IE chante & pleure, & veux faire & defaire,
I’ose & ie crains, & ie fuis & ie suis,
I’hurte & ie cede, & i’ombrage & ie luis,
I’arreste & cours, ie suis pour & contraire,

Ie veille & dors, & suis grand & vulgaire,
Ie brusle & gele, & ie puis & ne puis,
I’aime & ie hai, ie conforte & ie nuis
Ie vis & meurs, i’espere & desespere:

Puis de ce tout estreint soubs le pressoir,
I’en tire vn vin ores blanc, ores noir,
Et de ce vin i’enyure ma pauure ame,

Qui chancelant d’vn & d’autre costé,
Va & reuient comme esquif tempesté
Veuf de nocher, de timon & de rame.

On peut cliquer sur certains mots pour voir les épithètes de Maurice de La Porte
 
 

IE chante & pleure, & veux faire & defaire,
I’ose & ie crains, & ie fuis & ie suis,
I’hurte & ie cede, & i’ombrage & ie luis,
I’arreste & cours, ie suis pour & contraire,

Ie veille & dors, & suis grand & vulgaire,
Ie brusle & gele, & ie puis & ne puis,
I’aime & ie hai, ie conforte & ie nuis
Ie vis & meurs, i’espere & desespere:

Puis de ce tout estreint soubs le pressoir,
I’en tire vn vin ores blanc, ores noir,
Et de ce vin i’enyure ma pauure ame,

Qui chancelant d’vn & d’autre costé,
Va & reuient comme esquif tempesté
Veuf de nocher, de timon & de rame.

 

En ligne le 14/04/18.
Dernière révision le 27/05/22.