«««

textes de
Ron­sard

»»»

«««

»»»

Doulx fut le traict, qu’amour hors de sa trousse,
Pour me tuer me tira doulcement,
Quand ie fuz pris au doulx commencement
D’vne doulceur si doulcettement doulce.

Doulx est son ris, & sa voix qui me poulse
L’ame du corps, pour errer lentement,
Deuant son chant marié gentement
Auec mes vers animez de son poulce.

Telle doulceur de sa voix coulle à bas,
Que sans l’ouir vrayment on ne scayt pas,
Comme en ses retz amour nous encordelle.

Sans l’ouir di-ie amour mesme enchanter,
Doulcement rire, & doulcement chanter,
Et moy mourir doulcement aupres d’elle.

Son­net

→ texte
moder­nisé

pleine page

œuvres de
Ron­sard
dispo­nibles
sur Gallica

télé­charger
le texte

com­men­taires
de Muret (1553)

va­riantes

En ligne le 04/02/16.
Dernière révision le 10/03/22.