BEnedecto sial giorno el mese & lanno

& lastagione el tempo & lora el punto
el bel paese el loco ouio fui giunto
da duo begliocchi che legato manno
& benedecto il primo dolce affanno
chi ebbi adesser chon amor congiunto
& larco & le saette ondi fui punto
& le piaghe chen fino alcor mi uanno

B enedecte leuoci tante chio
chiamando il nome di mia donna o sparte
ei sospiri & le lagrime el desio
& benedecte sian tutte le carte
ouio fama laquisto el pensier mio
che sol dilei si chaltra non ua parte

Bien heureux soit le iour, le mois, l’année,
Et la saison, le temps, le poinct, & l’heure,
Le beau päis, le lieu, & la demeure,
Ou deux beaux yeux m’ont l’attainte donnée.

Et bien heureuse est ma peine ordonnée
Par le desir d’une ioye mal seure,
Bien heureux soit l’arc, les trectz, la blesseure,
Et bien heureuse en soit ma destinée.

Bien heureux soient tous les pensers & dictz,
Souspirs, desirs, & larmes amoureuses,
Qu’onques au nom de ma dame rendis.

Et soient encor les cartes bien heureuses,
Ou luy acquiers renom, & ma pensée,
Qui d’elle seule ha peu estre blessée.

O Prison douce, ou captif ie demeure
Non par dedaing, force, ou inimitié,
Mais par les yeux de ma douce Moitié
Qui m’y tiendra iusq’à tant que ie meure.

O l’An heureux, le Moys, le Iour, & l’Heure,
Que mon cœur feut auecq’ elle allié!
O l’heureux neud, par qui i’y feu’ lié
Bien que souuent ie plaing, soupire, & pleure!

Tous prisonniers, uous etes en soucy,
Craignant la Loy, & le Iuge seuere
Moy plus heureux, ie ne suy’ pas ainsi.

Mille doulx motz, doucement exprimez,
Mil’ doulx baisers, doucement imprimez,
Sont les tormens, ou ma foy perseuere.

Heureux le moys, heureuse la iournee,
Heureuse l’heure, & heureux le moment,
Heureux le siecle, heureux le firmament,
Souz qui ma Dame heureusement fut nee.

Heureuse soit l’heureuse destinee,
De l’astre heureux, lequel heureusement
Faisoit ce iour son heureux mouuement,
Sur toute estoille en bon aspect tournee.

Heureux ce monde auquel elle seiourne,
Et le Soleil, qui autour d’elle tourne,
En s’eclipsant à l’obiect de sa veüe.

Moy malheureux en mon affection,
Qui n’esiouis ma triste passion,
La congnoissant de si grand heur pourueüe.

Benites soyent les Octobrales Ides,
Ou ie gaignay ma vie par ma mort:
Benite soit la beauté qui eut tort
En surprenant les sens de raison vydes:

Benites soient les flesches homicides,
Qui de mon cœur outrepercent le fort:
Beny, Romans, Pailleret, ou par sort
Ie vy l’honneur des Nymphes Isarides:

Benite soit cette plume pinceau,
L’ancre couleur, & le papier tableau,
De ma douleur, qui soit aussi benie:

Beny soit l’œil qui piteux la lira:
Benite soit la bouche qui dira,
benite soit d’amovr la tyrannie.

Benit soit l’an, & le iour & le mois
Et la saison, le temps, l’heure, & le point,
Le beau pays, le lieu ou ie fus ioinct
De deux beaux yeux, ou lié ie me vois :

Et beny soit le doux mal que i’auois,
Lors que ie fus auec amour conioinct,
Et la sagette, & l’arc dont ie fus poinct,
Et le coup, que iusqu’à cueur ie reçois.

Benies soient tant de vois espandues,
Par moy, criant d’Angelique le nom,
Souspirs, desirs, & les larmes perdues.

Et benis soient tant de papiers en rime,
Ou ie luy ay acquis tant de renom:
Et mon penser, qui d’autre n’en estime.

Bienhevrevs l’an, & iour, & ces champz soliteres
Qui furent honnorez, quand Madame naquit :
Bienheureus le Chasteau qui ce beau los acquit,
Bienheureus pere, & mere, & ses sœurs, & ses freres.

Bienheureus son parrain, & ses amys prosperes,
Bienheureus qui premier de sa beauté s’enquit :
Bienheureuse à son tour la femme qu’on requit
Pour luy tendre, & bailler, ses mamelles laitieres.

Bienheureus le seiour où la Nymphe se plaist,
Bienheureus le mary pour qui ia meure ell’est,
Bienheureus qui la void si gentille, & si belle.

Bienheureus qui l’acoste, & luy vouë sa foy :
Et bienheureus aussi qui l’ayme comme moy,
Moy plus heureus que tous, si i’estois aymé d’elle!

BEni le iour, & le mois, & l’année,

Et le logis, le temps, l’heure, & le poinct,
Le beau païs, la ville, où ie fus ioinct
De deux beaux yeux qui m’ont l’ame étonnee.

Beni encor la douce destinée
Que i’endurei auec amour conioinct:
Et l’ arc tendu, & le fer, qui m’époinct,
Au fond du cœur d’vne fleche empenée.

Beni la voiz, & beni les soupirs,
Les doux accens, les larmes, les desirs,
Qu’ay en chantant épandu pour ma dame.

Et beni soit encor tout le papier
Où i’ai pour elle vsé du sainct metier
Qui fera viure à iames nostre flame.

HEureux soit ce iour là, & le mois & l’année,
Heureuse la saison, le temps, l’heure, & le point,
Le pais singulier, le lieu où ie fus ioinct
A deux yeux excellens prisons de ma pensee.

Heureux premier tourment, quand mon ame offensee,
Et mon cœur auec elle au vostre fut conioint
Les sagettes & l’arc par lesquels ie fus point
Et dont fut à iamais ma poictrine blessee:

Heureuse encore soit celle voix par laquelle
I’ay proferé le nom de maistresse si belle,
Les pleurs, & les desirs, & les souspirs cuisans.

Heureux aussi soyent tous mes escrits de par elle,
Dont i’ay acquis honneur la rendant immortelle,
Et dont à elle seule i’addresse mes presens.

QVe benist soit le iour de ma belle naissance,

Bien que i’aye souuent de l’ennuyeux mal-heur,
Que benist soit le iour que i’eu ceste faueur
D’approcher voz beautez des beautez l’excellence.

Que benist soit le iour que i’esloigné la France,
Pour voir les monts poinctus du Tu-Gean sans peur,
Que benist soit le iour qu’vn poignard garde-honneur
Me seruit empourpré d’vne heureuse defence.

Que tu sois tres-beniste, & que tres-benist soit
Le peuple au doulx regard, porte-paix, sauue-droict,
Qui me veid surmonter les orgueilleux gensd’armes.

Cher secours desiré, aduienne apres mille ans
Que la posterité renommant les Amants
Benisse noz ardeurs, noz souspirs, & noz larmes.

Le iour, le mois, & l’an, le temps & la saison,
Aussi l’heure & le point soient benoits & la place,
Auec le beau païs, ou ie receu l’attache
De deux beaux yeux, qui m’ont lié d’vn fort chaisnon.

Benoite la premiere & douce passion,
Que i’eu, pour a l’Amour me ioindre, & tant se face
Des flesches & de l’arc, dont ie sens l’efficace,
Et des plaies dont va iusqu’au coeur l’esguillon.

Benoites soient les voix, que i’ay par resonnance
Viue, nommant madame espars en abondance:
Et benoits les souspirs, les pleurs, & le desir.

Et les papiers esquels i’ay fait sa renommée
Viure, encor soient benoits auecque ma pensée,
Qui seule estant à elle en autre n’a plaisir.

Bien heureux soit le iour, le mois, l’année,
Et la saison, le temps, le poinct, & l’heure,
Le beau päis, le lieu, & la demeure,
Ou deux beaux yeux m’ont l’attainte donnée.

Et bien heureuse est ma peine ordonnée
Par le desir d’une ioye mal seure,
Bien heureux soit l’arc, les trectz, la blesseure,
Et bien heureuse en soit ma destinée.

Bien heureux soient tous les pensers & dictz,
Souspirs, desirs, & larmes amoureuses,
Qu’onques au nom de ma dame rendis.

Et soient encor les cartes bien heureuses,
Ou luy acquiers renom, & ma pensée,
Qui d’elle seule ha peu estre blessée.

O Prison douce, ou captif ie demeure
Non par dedaing, force, ou inimitié,
Mais par les yeux de ma douce Moitié
Qui m’y tiendra iusq’à tant que ie meure.

O l’An heureux, le Moys, le Iour, & l’Heure,
Que mon cœur feut auecq’ elle allié!
O l’heureux neud, par qui i’y feu’ lié
Bien que souuent ie plaing, soupire, & pleure!

Tous prisonniers, uous etes en soucy,
Craignant la Loy, & le Iuge seuere
Moy plus heureux, ie ne suy’ pas ainsi.

Mille doulx motz, doucement exprimez,
Mil’ doulx baisers, doucement imprimez,
Sont les tormens, ou ma foy perseuere.

Heureux le moys, heureuse la iournee,
Heureuse l’heure, & heureux le moment,
Heureux le siecle, heureux le firmament,
Souz qui ma Dame heureusement fut nee.

Heureuse soit l’heureuse destinee,
De l’astre heureux, lequel heureusement
Faisoit ce iour son heureux mouuement,
Sur toute estoille en bon aspect tournee.

Heureux ce monde auquel elle seiourne,
Et le Soleil, qui autour d’elle tourne,
En s’eclipsant à l’obiect de sa veüe.

Moy malheureux en mon affection,
Qui n’esiouis ma triste passion,
La congnoissant de si grand heur pourueüe.

Benites soyent les Octobrales Ides,
Ou ie gaignay ma vie par ma mort:
Benite soit la beauté qui eut tort
En surprenant les sens de raison vydes:

Benites soient les flesches homicides,
Qui de mon cœur outrepercent le fort:
Beny, Romans, Pailleret, ou par sort
Ie vy l’honneur des Nymphes Isarides:

Benite soit cette plume pinceau,
L’ancre couleur, & le papier tableau,
De ma douleur, qui soit aussi benie:

Beny soit l’œil qui piteux la lira:
Benite soit la bouche qui dira,
benite soit d’amovr la tyrannie.

Benit soit l’an, & le iour & le mois
Et la saison, le temps, l’heure, & le point,
Le beau pays, le lieu ou ie fus ioinct
De deux beaux yeux, ou lié ie me vois :

Et beny soit le doux mal que i’auois,
Lors que ie fus auec amour conioinct,
Et la sagette, & l’arc dont ie fus poinct,
Et le coup, que iusqu’à cueur ie reçois.

Benies soient tant de vois espandues,
Par moy, criant d’Angelique le nom,
Souspirs, desirs, & les larmes perdues.

Et benis soient tant de papiers en rime,
Ou ie luy ay acquis tant de renom:
Et mon penser, qui d’autre n’en estime.

Bienhevrevs l’an, & iour, & ces champz soliteres
Qui furent honnorez, quand Madame naquit :
Bienheureus le Chasteau qui ce beau los acquit,
Bienheureus pere, & mere, & ses sœurs, & ses freres.

Bienheureus son parrain, & ses amys prosperes,
Bienheureus qui premier de sa beauté s’enquit :
Bienheureuse à son tour la femme qu’on requit
Pour luy tendre, & bailler, ses mamelles laitieres.

Bienheureus le seiour où la Nymphe se plaist,
Bienheureus le mary pour qui ia meure ell’est,
Bienheureus qui la void si gentille, & si belle.

Bienheureus qui l’acoste, & luy vouë sa foy :
Et bienheureus aussi qui l’ayme comme moy,
Moy plus heureus que tous, si i’estois aymé d’elle!

BEni le iour, & le mois, & l’année,

Et le logis, le temps, l’heure, & le poinct,
Le beau païs, la ville, où ie fus ioinct
De deux beaux yeux qui m’ont l’ame étonnee.

Beni encor la douce destinée
Que i’endurei auec amour conioinct:
Et l’ arc tendu, & le fer, qui m’époinct,
Au fond du cœur d’vne fleche empenée.

Beni la voiz, & beni les soupirs,
Les doux accens, les larmes, les desirs,
Qu’ay en chantant épandu pour ma dame.

Et beni soit encor tout le papier
Où i’ai pour elle vsé du sainct metier
Qui fera viure à iames nostre flame.

HEureux soit ce iour là, & le mois & l’année,
Heureuse la saison, le temps, l’heure, & le point,
Le pais singulier, le lieu où ie fus ioinct
A deux yeux excellens prisons de ma pensee.

Heureux premier tourment, quand mon ame offensee,
Et mon cœur auec elle au vostre fut conioint
Les sagettes & l’arc par lesquels ie fus point
Et dont fut à iamais ma poictrine blessee:

Heureuse encore soit celle voix par laquelle
I’ay proferé le nom de maistresse si belle,
Les pleurs, & les desirs, & les souspirs cuisans.

Heureux aussi soyent tous mes escrits de par elle,
Dont i’ay acquis honneur la rendant immortelle,
Et dont à elle seule i’addresse mes presens.

QVe benist soit le iour de ma belle naissance,

Bien que i’aye souuent de l’ennuyeux mal-heur,
Que benist soit le iour que i’eu ceste faueur
D’approcher voz beautez des beautez l’excellence.

Que benist soit le iour que i’esloigné la France,
Pour voir les monts poinctus du Tu-Gean sans peur,
Que benist soit le iour qu’vn poignard garde-honneur
Me seruit empourpré d’vne heureuse defence.

Que tu sois tres-beniste, & que tres-benist soit
Le peuple au doulx regard, porte-paix, sauue-droict,
Qui me veid surmonter les orgueilleux gensd’armes.

Cher secours desiré, aduienne apres mille ans
Que la posterité renommant les Amants
Benisse noz ardeurs, noz souspirs, & noz larmes.

Le iour, le mois, & l’an, le temps & la saison,
Aussi l’heure & le point soient benoits & la place,
Auec le beau païs, ou ie receu l’attache
De deux beaux yeux, qui m’ont lié d’vn fort chaisnon.

Benoite la premiere & douce passion,
Que i’eu, pour a l’Amour me ioindre, & tant se face
Des flesches & de l’arc, dont ie sens l’efficace,
Et des plaies dont va iusqu’au coeur l’esguillon.

Benoites soient les voix, que i’ay par resonnance
Viue, nommant madame espars en abondance:
Et benoits les souspirs, les pleurs, & le desir.

Et les papiers esquels i’ay fait sa renommée
Viure, encor soient benoits auecque ma pensée,
Qui seule estant à elle en autre n’a plaisir.