svr le tombeau de
Ioachim Du Bellay

Icy git Du Bellay qui par l’Arrest des cieux
Mourut au bord de Seine, & nasquit dessus Loire:
Mais passant si son nom ne t’est encor notoire,
Ie croy que tu nasquis sans aureille & sans yeux.

Certe ainsi que iadis les Gaulois nos ayeulx
Auec les Espagnols incitez de la gloire
D’vn Tite-Liue autheur de la Romaine histoire,
Vinrent à Rome exprés pour le cognoistre mieux

(Car tant estoit prisé le sçauoir d’vn seul homme
Qu’vne gent lors barbare, & d’vn lieu si lointain
Vint à Rome pour voir autre chose que Rome:)

Aussi delà la mer dont la terre est enclose,
Voire de l’isle Thule, on viendra pour certain
Voir quelque iour la tombe où Du Dellay repose.

Jacques de LA TAILLE, Recueil des Inscriptions, Anagrammatismes et autres Œuvres,
in Jean de LA TAILLE [frère du précédent], Saül le furieux, & autres œuvres du même auteur,
Paris, Federic Morel, 1572
[Gallica, N0071364_ PDF_159_160].