Phyllis. Thracienne, mise­rable, rhodienne, impa­tiente, amou­reuse, riche, coura­geuse.

Phyllis fille de Lycurge roi de Thrace, quand Demophoon fils de Thesee retourna de la guerre de Troïe elle le receut fort humai­nement, & comme s’il eut esté son mari, lui aiant iuré premie­rement qu’apres auoir donné ordre à ses affaires domestiques il l’espou­seroit. Estant donc parti Demo­phoon, & Phyllis voiant qu’il ne reuenoit dedans le temps de sa promesse à cause des empes­chemens qui le retenoient, Phyllis d’impatience d’amour, & de trop grande douleur vaincue, pensant estre abusee elle se pendit, & fut conuertie en vn amandier effueillu. Depuis retournant Demo­phoon apres auoir le tout entendu il embrassa le tronc de l’arbre, lequel comme s’il eut senti l’adue­nement de son espous produisit des fueilles.

Maurice de LA PORTE, Les Epithetes, 1571,
f° 205r° [Gallica, N0050715_PDF_416]
(texte original).

Philis escript par i, & l simple, signifie amour, ou la chose aymée : mais par y & ll, c’est le nom de la fille de Lycurgus roy de Thrace, laquelle se pendeit par impatience du retour de Demo­phoon son amy, & fut conuertie en Amendier. Lisez les epistres d’Ouide

Iehan MARTIN, « Exposition de plusieurs motz contenuz en ce liure, dont l’intelligence n’est commune »
in L’Arcadie de Messire Iaques Sannazar,
mise d’Italien en Francoys, 1544,
f° 129r° [Gallica, N0110564_PDF_257]
(texte original).