«««

textes de
Boys­sières

«««

vers
rappor­tés
(3 / 14)

»»»

LA Lionne, la Chienne, vne Ource, vne Tigresse,

   Caresse, nourrit, leche, & deffend, son Faon:
Mais toy, plus orgueilleuse & fiere qu’vn Paon,
Cruelle à tes Enfans les passes en rudesse.

Tu adore & retiens l’Enuie pour deesse,
L’ambition pour dame, & pour dieu vn Mahom:
Ton Ame ores vne Once, & ton cœur Licaon,
Vne Medee en l’art, vne Alcine en finesse.

Tu ne peux donq auoir vn plus iuste renom,
Qu’estre l’Ambition, l’Enuie, vn Licaon,
Paon, Mahom, Medee, vne Once, vne Alcienne.

Et pour les cruautez faites aux enfans tiens,
Les faisant desrober, & retenant leurs biens,
Plus qu’Ource, que Lionne, & que Tigresse, & Chienne.

Son­net

→ texte
moder­nisé

pleine page

œuvres de
Boys­sières
dispo­nibles
sur Gallica

télé­charger
le texte

→ recol­lec­tion

En ligne le 20/01/20.
Dernière révision le 22/01/22.