Olivier de MAGNY (1529-1561)
Je l’aime bien…
Le Préam­bule des
innom­brables
Les Soupirs,
Paris, Vincent Sertenas, 1557.
ouvrir sur Gallica : sonnet XXIX, f° 11v°.

Ie l’ayme bien, pource qu’elle a les yeux
Et les sourcils de couleur toute noire,
Le teint de rose, & lestomac d’yuoire,
L’aleine douce, & le riz gracieux.

Ie l’ayme bien, pour son front spacieux,
Où l’amour tient le siege de sa gloire,
Pour sa faconde & sa riche memoire,
Et son esprit plus qu’autre industrieux.

Ie l’ayme bien, pource qu’elle est humaine,
Pource qu’elle est de sçauoir toute pleine,
Et que son cœur d’auarice n’est poingt.

Mais qui me fait l’aymer d’vne amour telle,
C’est pour autant qu’el’ me tient bien en point
Et que ie dors quand ie veux auec elle.

On peut cliquer sur certains mots pour voir les épithètes de Maurice de La Porte
 
 

Ie l’ayme bien, pource qu’elle a les yeux
Et les ſourcils de couleur toute noire,
Le teint de roſe, & leſtomac d’yuoire,
L’aleine douce, & le riz gracieux.

Ie l’ayme bien, pour ſon front ſpacieux,
Où l’amour tient le ſiege de ſa gloire,
Pour ſa faconde & ſa riche memoire,
Et ſon eſprit plus qu’autre induſtrieux.

Ie l’ayme bien, pource qu’elle eſt humaine,
Pource qu’elle eſt de ſçauoir toute pleine,
Et que ſon cœur d’auarice n’eſt poingt.

Mais qui me fait l’aymer d’vne amour telle,
C’eſt pour autant qu’el’ me tient bien en point
Et que ie dors quand ie veux auec elle.

 

En ligne le 25/10/09.
Dernière révision le 02/09/25.