textes de
Saint-Gelais

»»»

«««

anti­thèses
accu­mu­lées
(vers 1-8, 10-14)

»»»

I’ay trop de peinɇ, & peu de recompense:
I’ay grand desir, & petitɇ esperance,
Beaucop de mal, & nulle medicine:
I’ay fruict amer d’vne doulcɇ racine:
L’assault de pres, & de loing la defense.

Ie quiers mercy ha qui m’ha faict offense,
Du tort d’aultruy ie porte penitence
En poursuiuant vn bien qui me ruine.

I’ay trop de peine.

I’ay brief confort & longue patience:
Le vouloir hault, & basse la puissance:
Bien peu d’effect, & assez de bon signe:
Mais quand ie pensɇ a qui ce mal m’assigne
Le supporter m’est bien, & suffisance.

I’ay trop de peine.

Ron­deau

→ texte
moder­nisé

pleine page

œuvres de
Saint-Gelais
dispo­nibles
sur Gallica

télé­charger
le texte

En ligne le 07/11/08.
Dernière révision le 22/11/22.