Filbert BRETIN (1540-1598)
L’arc bigearre du ciel…
Le Préam­bule des
innom­brables
Poésies amoureuses,
Lyon, Benoît Rigaud, 1576.
ouvrir sur Gallica : Sonnet, ff. 10v°-11r°.

Des diuerses perturbations d’esprit en amour.

L’ARC bigarré, bizarrebijarre du ciel n’a point tant de couleurs,
Proté le marinier ne change tant de face,
Et le Polipe aussi son teint tant ne r’efface
Que mon esprit reçoit de diuerses douleurs:
Ore presagiant quelques prochains malheurs
Me fait esuanouyr, tomber dessus la place.
Ore premeditant de ton œil vn menace
Laisse destituez mes sens de leurs valeurs.

Tantost suis conuoiteux, tantost suis en tristesse:
Tantost ie crain beaucoup, tantost i’ay grand liesse:
Tantost ie desespere, & tantost i’ay espoir:
Bref en mille façons Cupidon me martyre,
Si que ie ne puis pas du tout les maux te dire
Que i’endure pour toy, dez l’aube iusqu’au soir.

On peut cliquer sur certains mots pour voir les épithètes de Maurice de La Porte
 
 

Des diuerſes perturbations d’eſprit en amour.

L’ARC bigarré, bizarrebijarre du ciel n’a point tant de couleurs,
Proté le marinier ne change tant de face,
Et le Polipe außi ſon teint tant ne r’efface
Que mon eſprit reçoit de diuerſes douleurs:
Ore preſagiant quelques prochains malheurs
Me fait eſuanouyr, tomber deſſus la place.
Ore premeditant de ton œil vn menace
Laiſſe destituez mes ſens de leurs valeurs.

Tantoſt ſuis conuoiteux, tantoſt ſuis en tristeſſe:
Tantoſt ie crain beaucoup, tantoſt i’ay grand lieſſe:
Tantoſt ie deſeſpere, & tantoſt i’ay eſpoir:
Bref en mille façons Cupidon me martyre,
Si que ie ne puis pas du tout les maux te dire
Que i’endure pour toy, dez l’aube iuſqu’au ſoir.

 

En ligne le 10/09/25.
Dernière révision le 10/09/25.