Adrian de GADOU (?-?)
Comme le corps malsain…
Paris, J. Mettayer & M. Challange, 1573.

Comme le corps mal sain, & subiet à catherre,
Tantost se deult du chef, & tantost du costé:
Apres, il plainct le cœur, qui le rend degousté,
Ou bien son estomac l’enfle suffoque, & serre:

S’il guerit de celà luy fait encores guerre,
L’humeur en quelque membre, ou reste sa santé,
Si que de l’vn, en l’autre il sera tourmenté,
Iusqu’à ce que la mort l’aye mis sous la terre:

O dure vision! que puisses-tu mentir,
Qui semblable à ce corps m’as vn soir fait sentir
Ma France (puis dix ans) sous le fer, flame, ou foudre,

Si d’vn mal elle sort, deux luy viennent, en lieu:
,, Ainsi l’empire Grec, le Romain, & l’Ébrieu
,, Sont venus (Montholon) finalement en pouldre.

On peut cliquer sur certains mots pour voir les épithètes de Maurice de La Porte
 
 

Comme le corps mal sain, & subiet à catherre,
Tantost se deult du chef, & tantost du costé:
Apres, il plainct le cœur, qui le rend degousté,
Ou bien son estomac l’enfle suffoque, & serre:

S’il guerit de celà luy fait encores guerre,
L’humeur en quelque membre, ou reste sa santé,
Si que de l’vn, en l’autre il sera tourmenté,
Iusqu’à ce que la mort l’aye mis sous la terre:

O dure vision! que puisses-tu mentir,
Qui semblable à ce corps m’as vn soir fait sentir
Ma France (puis dix ans) sous le fer, flame, ou foudre,

Si d’vn mal elle sort, deux luy viennent, en lieu:
,, Ainsi l’empire Grec, le Romain, & l’Ébrieu
,, Sont venus (Montholon) finalement en pouldre.

 

En ligne le 12/12/21.
Dernière révision le 12/12/21.