Étienne PASQUIER (1529-1615)
Non : je ne veux…
Paris, Jean Petit-Pas, 1610.

NOn: ie ne veux que d’vne ame faillie,

La Dame soit auare de sa fleur,
Ny qu’elle tienne en prison son honneur,
Pour l’empescher d’vne belle saillie.

La Rose née, auec l’espine lie
Son beau bouton, & sa souefue odeur:
Mais peu à peu esclose, par grand heur
S’en affranchit, estant de nous cueillie.

Belle est vrayment, belle est cette leçon,
Pour enseigner aux Dames la façon
De n’auoir point le long refus pour hoste.

Comme la Rose, aussi quand l’Amour naist,
Tousiours d’angoisse espineuse il se paist:
Le seul ioüir cette espine luy oste.

On peut cliquer sur certains mots pour voir les épithètes de Maurice de La Porte
 
 

NOn: ie ne veux que d’vne ame faillie,

La Dame soit auare de sa fleur,
Ny qu’elle tienne en prison son honneur,
Pour l’empescher d’vne belle saillie.

La Rose née, auec l’espine lie
Son beau bouton, & sa souefue odeur:
Mais peu à peu éclose, par grand heur
S’en affranchit, estant de nous cueillie.

Belle est vrayment, belle est cette leçon,
Pour enseigner aux Dames la façon
De n’auoir point le long refus pour hoste.

Comme la Rose, aussi quand l’Amour naist,
Tousiours d’angoisse espineuse il se paist:
Le seul ioüir cette espine luy oste.

 

En ligne le 07/11/20.
Dernière révision le 07/11/20.