textes de
Le Saulx

»»»

«««

vers
rap­por­tés
(5 / 14)

»»»

LA chair & le peché, la Loy auec l’Enfer
Me chatouille, me poind, m’espouuante, & me geine
D’vn desir, d’vn remors, d’vne horreur, d’vne peine
Qui suit, qui fuit, qui craind, & qui peut estouffer

Peché, la Loy, la mort, la chair qui triompher
Pouuoit sans le peché sur la Loy vuide & vaine:
Le vil peché regnant arme la Loy qui traine
La mort qui me meurtrit de son meurtrissant fer:

Mais Iesus chasse-mal, & peché l’infidelle,
Pour ma chair, en sa chair, de chair, sans chair rebelle
A desarmé la Loy de force & de vigueur,

Puis noyant dans son sang le meurtrier de ma vie,
Le peché qui mortel auoit sur moi enuie,
Il masseure en domtant des enfers la rigueur.

Son­net

→ texte
moder­nisé

pleine page

œuvres de
Le Saulx
dispo­nibles sur Gallica

télé­charger au format rtf

dia­logue par sonnets

En ligne le 29/04/05.
Dernière révision le 10/07/10.