Salomon CERTON (1552-v. 1620)
Mignards, doux, gracieux…

H

MIgnards, doux, gracieux, courtois, auantureux,
Esprits de la nuict sombre, ô demons, si ma ioye
Despend toute de vous, & si ie vous desploye
Mes vers, mon passetemps, mon bien plus doucereux,

Esprits mon doux plaisir, mon esbat amoureux,
Si pour vous ie me plais à ceste nuict tant coye,
N’engardez qu’à mon gré curieux ie ne voye
Le rond de vostre bal dont ie suis desireux :

Quelque verue peut être esclatant de la note
Que fredonne en ces prez la bande qui balote
Me fera mille vers non oüis entonner :

Car encor que ie soy’ trop bas pour telle gloire,
Estant enflé de vous, i’oseray me donner
Vn espoir nourrissier d’vne longue memoire.

On peut cliquer sur certains mots pour voir les épithètes de Maurice de La Porte
 
 

H

MIgnards, doux, gracieux, courtois, auantureux,
Esprits de la nuict sombre, ô demons, si ma ioye
Despend toute de vous, & si ie vous desploye
Mes vers, mon passe-temps, mon bien plus doucereux,

Esprits mon doux plaisir, mon esbat amoureux,
Si pour vous ie me plais à ceste nuict tant coye,
N’engardez qu’à mon gré curieux ie ne voye
Le rond de vostre bal dont ie suis desireux :

Quelque verue peut être esclatant de la note
Que fredonne en ces prez la bande qui balote
Me fera mille vers non oüis entonner :

Car encor que ie soy’ trop bas pour telle gloire,
Estant enflé de vous, i’oseray me donner
Vn espoir nourrissier d’vne longue memoire.

«««  lipogramme en H  »»»
 

En ligne le 01/02/17.
Dernière révision le 02/05/21.