Amadis JAMYN (v. 1540-1593)
Somme léger…
Le Préam­bule des
innom­brables
Les Œuvres poétiques,
Paris, Mamert Patisson, 1575.
ouvrir sur Gallica : Artémis, quatrième livre, f° 171v°.

Somne leger, image deceptiue,
Qui m’es vn gain & perte en vn moment,
Comme tu fais écouler promptement
En t’ecoulant, ma ioye fugitiue!

De tous Amans nul qui au monde viue
Ne receuroit plus de contentement
Que i’en reçoy, si mon bien seulement
Ne s’enuoloit d’vne æle trop hastiue.

Endymion fut heureux vn long tems
De prendre en songe infinis passetems,
Pensant tenir sa luisante Deesse.

Je te demande en pareille langueur
Vn pareil songe & pareille douceur:

»  L’ombre du bien n’est pas grande largesse.

On peut cliquer sur certains mots pour voir les épithètes de Maurice de La Porte
 
 

Somne leger, image deceptiue,
Qui m’es vn gain & perte en vn moment,
Comme tu fais écouler promptement
En t’ecoulant, ma ioye fugitiue!

De tous Amans nul qui au monde viue
Ne receuroit plus de contentement
Que i’en reçoy, ſi mon bien ſeulement
Ne s’enuoloit d’vne æle trop haſtiue.

Endymion fut heureux vn long tems
De prendre en ſonge infinis paſſetems,
Penſant tenir ſa luiſante Deeſſe.

Je te demande en pareille langueur
Vn pareil ſonge & pareille douceur:

»  L’ombre du bien n’eſt pas grande largeſſe.

 

En ligne le 08/01/18.
Dernière révision le 28/06/25.