«««

textes de
Baïf

»»»

«««

dispo­sition du
pré­ambule
(vers 5-8)

»»»

«««

»»»

»»»

Plus mon desir s’acroit, plus l’espoir m’est douteux,
Tant que i’en hai l’amour: & si ne puis tant faire,
Que ie n’aime touiours, faisant tout le contraire,
De ce que ie propose en moi mesme honteux.

Mais la neige deuant prendra noire couleur,
La mer sera sans eaux, les daufins aux montagnes,
Les deins repaireront aux marines campagnes,
Le froid sera l’esté, & l’iuer la chaleur:

Tout ira au rebours, parauant que se muë,
Ou Amour ou Madame enuers ma passion,
Las, comme aimé-ie donc ce qui sans fin me tuë!

Helas ie n’en sai rien: si ai-ie conoissance,
Qu’amour pour me nourrir en triste afflixion,
Me fait aprehender une gaie esperance.

Son­net

→ texte
moder­nisé

pleine page

œuvres de
Baïf
dispo­nibles sur Gallica

télé­charger au format rtf

En ligne le 02/09/07.
Dernière révision le 23/05/10.