«««

textes de
Du Tron­chet

»»»

«««

»»»

ORes que ciel & terre & le vent se repose:
Que le chant de l’oiseau se restraint & refrene,
Que le char estoillé la nuit ne se pourmeine,
Et qu’en son lit la mer sans onde se compose:

Ie voy, ie pense, i’ards, & qui destruire m’ose
Est tousiours deuant moi pour obiect de ma peine,
La guerre est mon estat du dueil & d’ire pleine,
Et d’elle au seul penser i’ay de paix quelque chose.

D’vne mesme fontaine & d’vne source viue
Prouient cest aigre, doux, duquel ie me repais,
Et mesme main me blesse en laquelle i’amende.

Mais afin que mon mal ne soit ioint à la riue,
Cent fois le iour ie meurs, & cent fois ie renais,
Tant ie suis pres & loin de ce que ie demande.

Son­net

→ texte
moder­nisé

pleine page

œuvres de
Du Tron­chet
dispo­nibles
sur Gallica

télé­charger
le texte

En ligne le 05/06/21.
Dernière révision le 05/06/21.