«««

textes de
Tyard

»»»

«««

vers
rap­por­tés
(2 / 14)

»»»

I’ay tant crié, ô doulce Mort, renuerse
Auec ce corps mon grief torment souz terre,
Que ie me sens presque finir la guerre
De l’esperance à mon desir diuerse.

Voy, dame, voy, que les pleurs que ie verse,
Et les souspirs ardens, que ie desserre
Hors de mon cœur, et le traict qui m’enferre,
Veullent finir si dure controuerse.

Mes pleurs ont ia tant d’humeur attiré,
Et mes souspirs tant d’ardeur respiré,
Et tant de sang ce traict m’ha fait respandre,

Que sans humeur, chaleur, ou sang encore,
Ce peu d’esprit, qui m’est resté t’adore
En ce corps sec, froid pasle, et presque en cendre.

Son­net

→ texte
moder­nisé

pleine page

œuvres de
Tyard
dispo­nibles sur Gallica

télé­charger au format rtf

En ligne le 06/01/08.
Dernière révision le 16/03/11.