«««

textes de
Bi­rague

»»»

«««

»»»

Plustost les palles Sœurs me priuent de lumiere,
Et m’enuoyent aux creux des enfers pleins d’horreur
Esprouuer de Pluton l’effroyable terreur,
Et ouir de Minos la sentence derniere.

Plustost de Promethé la douleur coustumiere
Me tourmente tousiours, & l’ardante fureur
Des filles d’Acheron tousiours pleines d’erreur
Bourrelle mon esprit d’vne rage meurtriere.

Plustost puisse-ie encor souffrir la passion
De l’auare Tantale, & du fol Ixion,
Du cauteleux Sisyphe & du paillard Titie:

Que i’adore inconstant iamais autre beauté,
Que la vostre, Madame, en qui la loyauté,
Les Graces, & l’Amour ont leur place choisie.

Son­net

→ texte
moder­nisé

pleine page

œuvres de
Bi­rague
dispo­nibles
sur Gallica

télé­charger
le texte

En ligne le 17/02/19.
Dernière révision le 07/10/21.