Clovis HESTEAU (?-?)
Comme on voit en été…
Paris, Abel L’Angelier, 1578.
ouvrir sur Gallica : Livre second, Amours, X, f° 35v°.

Comme on voit en esté vne bruiante nue,
Que le roide Aquilon va parmy l’air roulant:
Pleine de tous costez se creuer grommelant,
Et vomir le discort qui la rendoit esmeue:

Tantost embraser l’air d’vne flame incogneue,
Tantost semer la gresle, & d’vn tour violent,
Rouer vn tourbillon qui noir se deuallant,
Enueloppe le chef d’vne roche chenue.

Ainsi mon estomac comblé d’amoureux feu,
Qui de tes chauds regards croist tousiours peu à peu,
Veut vomir la douleur qui le brusle & l’entame:

O beaux cheueux, bel œil, ô glace, ô flame, au-moins,
Puis qu’auez pris, espris, gelé, bruslé mon ame:
Cognoissez mon amour dont mes maux sont tesmoins.

On peut cliquer sur certains mots pour voir les épithètes de Maurice de La Porte
 
 

Comme on voit en esté vne bruiante nue,
Que le roide Aquilon va parmy l’air roulant:
Pleine de tous costez se creuer grommelant,
Et vomir le discort qui la rendoit esmeue:

Tantost embraser l’air d’vne flame incogneue,
Tantost semer la gresle, & d’vn tour violent,
Rouer vn tourbillon qui noir se deuallant,
Enueloppe le chef d’vne roche chenue.

Ainsi mon estomac comblé d’amoureux feu,
Qui de tes chauds regards croist tousiours peu à peu,
Veut vomir la douleur qui le brusle & l’entame:

O beaux cheueux, bel œil, ô glace, ô flame, au-moins,
Puis qu’auez pris, espris, gelé, bruslé mon ame:
Cognoissez mon amour dont mes maux sont tesmoins.

 

En ligne le 05/12/20.
Dernière révision le 05/12/20.