«««

textes de
Jodelle

»»»

«««

vers
rap­por­tés
(3 / 14)

»»»

J’aime le verd laurier, dont l’hyuer ny la glace
N’effacent la verdeur en tout victorieuse,
Monstrant l’eternité à iamais bien heureuse
Que le temps, ny la mort ne change ny efface.

J’aime du hous aussi la tousiours verte face,
Les poignans eguillons de sa fueille espineuse:
I’aime le lierre aussi, & sa branche amoureuse
Qui le chesne ou le mur estroitement embrasse.

J’aime bien tous ces trois, qui tousiours verds ressemblent
Aux pensers immortels, qui dedans moy s’assemblent,
De toy que nuict & iour idolatre i’adore:

Mais ma playe, & poincture, & le Nœu qui me serre,
Est plus verte, & poignante, & plus estroit encore
Que n’est le verd laurier, ny le hous, ny le lierre.

Son­net

→ texte
moder­nisé

pleine page

œuvres de
Jodelle
dispo­nibles sur Gallica

télé­charger au format rtf

En ligne le 04/01/09.
Dernière révision le 27/03/10.