Vasquin PHILIEUL (1522-?)
De jour en jour…
Avignon, B. Bonhomme, 1555 (Paris, 1548).

De iour en iour mon poil & tainct se change,
Ne puis pourtant ma uolunté changer,
Ne du fort gluc ne me puis desbrancher
De l’arbre uert digne à toute louange.

Plus tost sera que de la mer s’estrange
Tout le poisson, pour en l’air heberger:
Plus tost du ciel on uerra desloger
Astres & sainctz, que ie n’aime cest ange.

Ie n’ay espoir d’estre hors de mes peines,
Iusques que sois sans os, chair, nerfz & ueines,
Ou qu’à pitié elle se conuertisse.

Plus tost les mers submergeront les cieux,
Qu’autre que mort, ou elle me guerisse
Du coup qu’amour me fit par ses beaulx yeux.

On peut cliquer sur certains mots pour voir les épithètes de Maurice de La Porte
 
 

De iour en iour mon poil & tainct ſe change,
Ne puis pourtant ma uolunté changer,
Ne du fort gluc ne me puis desbrancher
De larbre uert digne à toute louange.

Plus tost ſera que de la mer seſtrange
Tout le poiſſon, pour en lair heberger:
Plus tost du ciel on uerra desloger
Aſtres & ſainctz, que ie naime ceſt ange.

Ie nay eſpoir deſtre hors de mes peines,
Iuſques que ſois ſans os, chair, nerfz & ueines,
Ou quà pitié elle ſe conuertiſſe.

Plus toſt les mers ſubmergeront les cieux,
Quautre que mort, ou elle me gueriſſe
Du coup quamour me fit par ſes beaulx yeux.

 

En ligne le 01/07/21.
Dernière révision le 26/05/24.