textes de
Tyard

»»»

«««

»»»

Souz ton hault front, qui le clair ciel ressemble,
Sont deux soleilz gracieux & luisans,
Et deux sourcilz leurs rayons conduisans,
Aux mouuemens desquelz (las) mon cœur tremble.

Ton blanc visage, ou ton beau teint s’assemble,
Ta bouche faite en deux couraux plaisans,
Ton bien parler sur tous les bien disans,
Et ton doulx ris doucement mon cœur emble.

Ta beauté veult, ta grace me commande
Que ie te serue: Et mon affection
En ton endroit à iamais sera telle:

Que peur de mort, torment de passion,
Tristesse, dueil, ou peine, tant soit grande,
N’esteindra point mon amour immortelle.

Son­net

→ texte
moder­nisé

pleine page

œuvres de
Tyard
dispo­nibles
sur Gallica

télé­charger
le texte

En ligne le 26/02/11,
Dernière révision le 25/01/22.