Étienne JODELLE (1532-1573)
Sapphon la docte Grecque…
Paris, N. Chesneau & M. Patisson, 1574.

Sapphon la docte Grecque, à qui Phaon vint plaire,
Chantant ses feus, de Muse acquesta le surnom:
Corinne vraye ou faulse aux vers a pris renom,
Dont le Romain Ouide a voulu la pourtraire.

Petrarque Italien, pour vn Phebus se faire,
De l’immortel laurier alla choisir le nom:
Nostre Ronsard François ne tasche aussi sinon
Par l’amour de Cassandre vn Phebus contrefaire.

Si tu daignes m’aimer, Delie, si tu veux
Chanter ta flamme ainsi que docte tu le peux:
Si ie chante, Delie, vn pris nous pourrons prendre,

En hautesse d’amour, en ardeur, & en art,
Sur Sapphon, sur Ouide, & Petrarque, & Ronsard,
Sur Phaon, & Corinne, & sur Laure, & Cassandre.

On peut cliquer sur certains mots pour voir les épithètes de Maurice de La Porte
 
 

Sapphon la docte Grecque, à qui Phaon vint plaire,
Chantant ses feus, de Muse acquesta le surnom:
Corinne vraye ou faulse aux vers a pris renom,
Dont le Romain Ouide a voulu la pourtraire.

Petrarque Italien, pour vn Phebus se faire,
De l’immortel laurier alla choisir le nom:
Nostre Ronsard François ne tasche aussi sinon
Par l’amour de Cassandre vn Phebus contrefaire.

Si tu daignes m’aimer, Delie, si tu veux
Chanter ta flamme ainsi que docte tu le peux:
Si ie chante, Delie, vn pris nous pourrons prendre,

En hautesse d’amour, en ardeur, & en art,
Sur Sapphon, sur Ouide, & Petrarque, & Ronsard,
Sur Phaon, & Corinne, & sur Laure, & Cassandre.

 

En ligne le 12/12/17.
Dernière révision le 07/05/20.