Claude TURRIN (v. 1540-av. 1572)
Amour m’a mis ainsi…
Le Préam­bule des
innom­brables
Les Œuvres poétiques,
Paris, Jean de Bordeaux, 1572.
ouvrir sur Gallica : Livre des Sonnets amoureux, Sonnet 28, f° 56r°.

AMour m’a mis ainsi qu’vn blanc de sa flèchequadrelle

  Comme neige au soleil, & comme cire au feu,
Comme la nue au vant, mais il vous chaut bien peu,
Quand mercy ie demande à ma peine cruelle,

De vostre œil seulement vint la playe mortelle,
Contre qui ne vaut rien ny le tams ny le lieu,
De vous (& toutesfois vous le tenez à ieu)
Vient le soleil, l’ardeur & le vant qui me gresle.

Mes pensers sont les traits, le soleil, le visage,
Et l’ardeur mes desirs, auec ceste equipage
Amour cruel me point m’afolle & me destruit.

Ce chanter angeliq, ceste douce parolle,
Ce soupir plain de musq, qui loin de moy s’enuolle
Sont les vans amoureus, où mon ame s’enfuit.

On peut cliquer sur certains mots pour voir les épithètes de Maurice de La Porte
 
 

AMour m’a mis ainſi qu’vn blanc de ſa flèchequadrelle

  Comme neige au ſoleil, & cõme cire au feu,
Cõme la nue au vãt, mais il v9 chaut biẽ peu,
Quand mercy ie demande à ma peine cruelle,

De voſtre œil ſeulement vint la playe mortelle,
Contre qui ne vaut rien ny le tams ny le lieu,
De vous (& toutesfois vous le tenez à ieu)
Viẽt le soleil, l’ardeur & le vant qui me greſle.

Mes penſers ſont les traits, le ſoleil, le viſage,
Et l’ardeur mes deſirs, auec ceſte equipage
Amour cruel me point m’afolle & me deſtruit.

Ce chanter angeliq, ceſte douce parolle,
Ce ſoupir plain de muſq, qui loin de moy ſ’ẽuolle
Sont les vans amoureus, où mon ame ſ’enfuit.

 

En ligne le 14/02/18.
Dernière révision le 25/02/24.