«««

textes de
Du Bellay

»»»

«««

»»»

«««

»»»

Quand la fureur, qui bat les grandz coupeaux,
Hors de mon coeur l’Oliue arachera,
Auec le chien le loup se couchera,
Fidele garde aux timides troupeaux.

Le ciel, qui void auec tant de flambeaux,
Le violent de son cours cessera,
Le feu sans chault, & sans clerté sera,
Obscur le ront des deux astres plus beaux.

Tous animaulx changeront de seiour
L’vn auec l’autre, & au plus cler du iour
Ressemblera la nuit humide, & sombre,

Des prez seront semblables les couleurs,
La mer sans eau, & les forestz sans ombre,
Et sans odeur les roses, & les fleurs.

Son­net

→ texte
moder­nisé

pleine page

œuvres de
Du Bellay
dispo­nibles sur Gallica

télé­charger au format rtf

En ligne le 23/02/08.
Dernière révision le 24/12/10.