«««

textes de
Pas­quier

»»»

«««

dispo­si­tion de la
recol­lec­tion
(vers 1-11 → 12-13)

»»»

O nuits, non nuits, ains iournaliere peine,
O iours, non iours, ains tenebreuses nuits,
O vie en dueil eschangée & ennuis,
O triste dueil, non plus dueil, mort certaine,

O cœur, ains roch d’esperance incertaine,
Ou de mon mal tous les flots sont reduits,
O yeux, ainçois de riuiere conduits,
O pleurs, non pleurs, ains coulante fontaine,

O cieux, non cieux, ains Chaos & meslange,
O dieux ducteurs de ma fortune estrange,
O dame en qui tout le cruel se cache,

O nuits, iour, vie, ô dueil, ô cœur, ô yeux,
O pleurs, ô cieux, ô dame, & ô vous dieux,
N’auray-ie donc iamais en vous relasche?

Son­net

→ texte
moder­nisé

pleine page

œuvres de
Pas­quier
dispo­nibles
sur Gallica

télé­charger
le texte

va­riantes

En ligne le 17/03/21.
Dernière révision le 23/07/23.