«««

textes de
Courtin

»»»

«««

dispo­si­tion de la
recol­lec­tion
(vers 1-8 → 13-14)

»»»

Le tresor crepelu de cete belle tresse
Retint ma liberté dedans l’or de ses neux,
Cete rare beauté m’aueugla les deux yeux,
Et mon libre vouloir la receut pour maitresse.

L’albatre potelé de sa main vainqueresse
Asseruit dessous soy mon cueur auantureux,
Et l’ame de sa voix d’vn son melodieux
Enchanta mon oreille & en fut larronnesse.

Mon cueur n’est plus à moy, ores ie suis captif,
L’oreille m’assourdit, & mon œil n’est plus vif,
En tel dueil m’a reduit sa grace non pareille.

Encores suis-ie heureux d’esclauer à ses loix,
Pour son poil, sa beauté, & sa main, & sa voix,
Ma liberté, mes yeux, mon cueur, & mon oreille.

Son­net

→ texte
moder­nisé

pleine page

œuvres de
Courtin
dispo­nibles
sur Gallica

télé­charger
le texte

→ vers
rappor­tés

En ligne le 20/03/23.
Dernière révision le 20/03/23.