«««

textes de
La Jessée

»»»

«««

vers
rap­por­tés
(13 / 14)

»»»

«««

»»»

L’avevgle Archer, sa Mere, & ma Maistresse,
Poind, brusle, estraint, d’vne esgalle fierté,
Mon cœur, mon sang, ma serue liberté:
S’aydant d’vn trait, d’vn feu, d’vn las qui presse.

Quand le garrot, l’ardeur, la chaine expresse,
Si roide, & viue, & forte n’eust esté:
Rien rien ne m’eust attaint, ardz, arresté,
Froissant, perdant, coupant, dard, brandon, tresse.

Que dy-ie las! feru, bruslé, surpris?
Ma Dame seule est Amour, & Cypris:
Elle me darde, & m’embraze, & me lie.

Son noir sourcy, son clair œil, son poil d’or,
Qui luy sert d’arc, de flamme, & ret encor,
Blesse, ard, retient, mon cœur, mon sang, ma vie.

Son­net

→ texte
moder­nisé

pleine page

œuvres de
La Jessée
dispo­nibles sur Gallica

télé­charger au format rtf

En ligne le 28/07/05.
Dernière révision le 23/01/11.