«««

textes de
Cornu

»»»

«««

anti­thèses
accu­mulées
 

»»»

«««

Mon cœur, mon doux soucy, mon tout, ma ialousie,
Mon espoir, mon soulas, mon doux esbatement,
Mon desir, mon soustien, & mon allegement,
Mon bon-heur, ma pitié, ma grace, mon enuie:

Ma maistresse, ma foy, mon bien, ma courtoisie,
Mon amour, mon secours & mon allechement,
Ma maistresse, ma foy, mon vœu, mon truchement,
Ma ioye, mon plaisir, ma liberté rauie,

Vous estes mon tourment, ma peine, ma douleur,
Ma geine, ma prison, mon lien, ma rigueur,
Mon mal, mon desespoir, ma cruauté certaine:

Mon dueil, mon creue-cœur, mon troublement d’esprit,
Mon pleur, mon sort fatal, mon fleau, mon antechrist,
Et bref tout ce mal’heur qui me ronge & me geine.

Son­net

→ texte
moder­nisé

pleine page

œuvres de
Cornu
dispo­nibles sur Gallica

télé­charger au format rtf

En ligne le 10/01/10.
Dernière révision le 19/06/10.